Ek is al weer stadig gewees en het maar my tyd gevat om iets geblog te kry, maar hier is 'n paar fotos van die afgelope week en 'n bietjie.
Anné het toe vir Elsoné 'n regte egte Praagmarionet gekoop en sy lyk of sy mal is oor hom - sy kan haar oë nie van hom afhou nie. Ons het hom Kazzimir gedoop.
Die naweek wat verby is het sy twee eerstes beleef. Ons het haar vir die eerste keer in seewater gehad, maar sy was nie te opgewonde daaroor nie. Daar was darem 'n lekker foto of twee om te neem daarvan.
Anné het ook besluit dis tyd dat sy moet begin om te leer eet. Laas Vrydag het sy die eerste keer begin om vir Elsoné pappies gevoer. Dit is uit die aard van die saak 'n lekker gemors, maar dit het begin lyk of dit wil beter gaan. Al probleem is dat dit lyk of sy nou hardlywig is. Ons hoop dit klaar gou op dat sy weer verder kan leer om te eet.
Hierdie laaste twee fotos het ek geneem met 'n wit papier voor die kamera se flits om die flits se lig minder "harsh" te maak op die foto - dit werk besonder mooi vir daai doel.
Verder is die TwoOceans se voorbereiding feitlik klaar en ek begin nou regtig om daarna uit te sien.
