Fotos: Allerlei (Beterskap)

Elsoné se siekgeid het toe darem nooit regtig gekom nie. Die uitslag het amper so gou verdamp as wat dit gekom het en sy is weer ons "chillpil".

Sommer net 'n paar fotos:

Cowmooi

Ons drie in die wildtui

Lekker laf wees in die Bumbo - sy speel "vlermuis"

Sommer net 'n groeifoto

Sy kyk wild in die wildtuin...

Mooimooi voel nie lekker nie

Vanoggend voel Elson'e nie soos haarself nie. Ons wonder maar of dit
tande is en of dit is dat sy ook nou begin siek word. Sy het maar
sleggerig gedrink gisteraand maar eintlik nie te sleg geslaap nie.
Daar is 'n bietjie van 'n uitslag op haar lyfie ook. Ons sal maar
dophou en duimvashou dat sy more weer haarself sal wees...

Bang ek gaan NIE dood nie

Die afgelope drie dae was maar rof. Ek het erge verkoue maar het gaan
werk en nog elke aand kitaar gespeel by die pinksterdienste.

Ek het gister gespot en gesê ek het die stadium waar mens hoop jy gaan
eerder maar dood heeltrmal oorgeslaan. Ek het sommer reguit na die
"bang wees ek gaan nie dood nie" gevorder.

Ek hoop net Anné en Elsoné spring dit vry...

'n Halwe Jaar

Vandag is Elsoné presies 6 maande oftewel presies 26 weke of dan 182
dae gelede gebore. Aan die een kant kan ek nie glo dis al 'n halwe
jaar nie, maar aan die ander kant is dit lekker om saam met haar die
paadjie "treetjie-vir-treetjie" so ver te kon loop. Sy is gelukkig nie
oorhaastig met haar grootwordery nie, daar is nog nie tande nie, sy
kruip nog nie en sit skaars op haar eie so ons kan darem nog so
min-of-meer byhou.

Ek vermoed dat ons skaars ons oë uitgevee sal hê en dan is sy "'n
Volle Jaar" oud...

You have an MMS message!

view to the message. (Note that you cannot reply via your email's reply function)

Dankie Mooi Mooi Ek en jou ma ekon vanaand na 'n mandjie-dans toe gaan en jou saan vat. Bo dit alles het jy lekker geslaap terwyl ek en Mamma die danskans BAIE geniet het. Eendag as jy dalk hierdie inskrywing lees kan jy dit reken as die eerste regte betoning van dankbaarheid teenoor jou in jou lewe so ver.

Message delivered by vodacom

Weer sleg

Ek was al weer sleg met die bloggery, ai, sonder goeie rede. Weer moet ek maar staat maak op die fotos wat geneem is.

Al wat ek kan sê is dat Elsoné definitief grootword. Ons kan dit aan haar lyfie voel, ons kan dit aan haar gewig voel, ons kan dit aan haar interaksies sien en sy bly maar NET 'n plesier.

So, hier is 'n paar fotos van die afgelope maand...

Hopelik vertel die fotos se onderskrifte die verhaal. Pause hom en werk hom deur met die pyltjies om die fotos kans te gee om te laai sodat die onderskrifte kan by hou.

Fotos: Two Oceans Kaapvakansie

Ek gaan sukkel om die afgelope twee weke met woorde in te haal, so ek het besluit om eerder 'n paar fotos van die afgelope kuier in die Kaap rondom die Two-Oceans Ultramaraton. Die fotos kan maar die praatwerk te doen.



Dit was regtig lekker; my resies was 'n groot sukses EN ons het goed gerus. Al wat sleg is is dat almal bietjie verkoue by my gekry het. Ek vermoed my gestel was maar af na die resies en ek het almal in die huis toe aangesteek - Mooimooi inkluis.

Soos baie al weet is dit nie lekker om 'n siek babatjie te hê nie, maar weereens, sy gaan maar net aan en bly ons plesiertjie.

Two Oceans Afgehandel!

My lewe kan aangaan, ek het die berg oorkom!

https://admin.twooceansmarathon.org.za/ResultCertificate.aspx?EntryCode=217727

Ek sal een of ander tyd fotos oplaai...

Broek be...

Ek is besig om 'n paar verstellings aan die blog te maak toe ek net 'n harde gepratery daar uit Mooimooi se kamer hoor. Ek spring toe natuurlik op om te hoor of daar iets is mee te help, want teen die tyd behoort dit nou al rustig en suutjies te raak in haar kamer met die dat dit al sterk slaaptyd se kant toe staan.

Ek het gevra wat is fout en het net 'n baie tevrede baba en minder tevrede mamma sien wat vir my vertel: "Sy het nou net haar skoon broek beskuit en wil nie verder drink nie".

Slaap is vir eers afgeskuif op die agenda ...

Fotos: Badtydaksie

Hier is sommer net 'n paar fototjies van 'n badsessie of twee die afgelope week.

Ons vlieg oormore Kaap toe vir die Groot2 en ek is reg en opgewonde daarvoor en daaroor.

Verder het ek ook 'n bietjie die lewe makliker gemaak vir voornemende vonkposintekenaars.